Fulbright stofnunin býður bandaríska styrkþega velkomna til Íslands

Fulbright stofnunin hélt móttöku fyrir þrjá bandaríska Fulbright styrkþega í húsakynnum stofnunarinnar þriðjudaginn 16. janúar 2012. Belinda Theriault, framkvæmdastjóri Fulbright stofnunarinnar bauð styrkþegana velkomna og hélt tölu um helstu einkenni íslensks samfélags. Laura Gritz "Public Relation Officer" bandaríska sendiráðsins á Íslandi fór yfir starfsemi og skyldur sendiráðsins. Sandra Berg Cepero, ráðgjafi hjá Fulbright stofnuninni, fór stuttlega yfir hagnýt atriði í tengslum við dvöl styrkþeganna í landinu.

Styrkþegarnir munu dvelja ásamt fjölskyldum sínum á Íslandi í fimm mánuði í boði Fulbright. Tveir þeirra munu kenna við Háskóla Íslands og einn við Háskólann á Bifröst. Samhliða kennslu munu þeir sinna eigin rannsóknum á sviði mannfræði, hagfræði og hjúkrun.  Myndir frá móttökunni.